Nanginot si Shai Gilgeous-Alexander sa 34 puntos, mantang nagkontribwir si Ajay Mitchell nin 18 puntos hale sa bench, sa pagdaog kan Thunder kontra Los Angeles Clippers, 108-101.
Nakakolekta man si center Isaiah Hartenstein nin 12 puntos asin 12 rebounds para sa Oklahoma City (3-0), na nawaran nin importanteng parakawat sa persona ni All-Star guard Jalen Williams.
Nabari an walang tabay ni Williams huli sa saiyang maraot na pagkabagsak matapos an sarong drive sa huring 1:14 minuto kan fourth period.
Isinakay si Williams sa stretcher, na natatakupan nin mga tuwalya an saiyang walang tabay.
Nakapuntos si Darius Garland nin 16 puntos para sa Los Angeles (1-2), mantang may tig-15 puntos man sinda Kris Dunn asin Brook Lopez.
Nakarani an Clippers sa 96-97 matapos an sarong three-point shot ni Derrick Jones Jr. sa huring tulong minuto kan kawat. Alagad, dai na sinda pinarani kan Thunder.
