Naarestar kan Criminal Investigation and Detection Group (CIDG) an saro sa mga kasabwat ninda dating Presidential Spokesperson Harry Roque asin Cassandra Ong sa kasong qualified trafficking in persons, sa sarong operasyon sa Mabalacat City, Pampanga.
Sa pahayag kan CIDG, pigbisto an suspek komo si “Marlon” na nadakop sa sarong entrapment operation sa Brgy. Tabun kan nakalihis na Mayo 22.
Si Marlon soboot an operation officer kan security agency na aktibong nag-ooperate kan nangyayari an trafficking sa Lucky South 99 Outsourcing Inc., sarong Philippine Offshore Gaming Operator (POGO) sa Porac.
Apwera sa bagong pagkakaarestar igwang nakabinbin man na warrant of arrest si Marlon para sa 10 numero kan qualified trafficking in persons gikan sa Regional Trial Court Branch 118 sa Angeles City.
Mayong pigrekomendar na piyansa para sa saiyang kaso.
Sigun ki CIDG Chief Police Major General Nicolas Torre III, patunay ini kan mayo humpay nindang paghihingowa na hanapon askn ipakulong an mga wanted na imbwelto sa malalalang krimen, para sa hustisya kan mga biktima.
Pig-enkaminar man kan opisyal an natatadang 50 co-accused na magsuko na kun saen padagos man soboot an paghahanap kan saindang tracker teams.
Si Roque asin iba pa an igwang nakabinbin na warrant of arrest katakod kan mga ilegal na aktibidad sa laog kan Lucky South 99 POGO hun. Pig-isyu man an mga warrant kan parehong korte sa Angeles City.
Maduon man na pinahimutikan ni Roque an akusasyon, asin pigtawan-duon na dae ini nagin legal counsel kan anuman na ilegal na POGO, kaibahan an Lucky South 99.
Inibahan sana soboot kaini si Ong sa sarong pag-urulay huli sa paghuna kaining biktima ini kan estafa.
Sa presente, naghahagad si Roque nin asylum sa Netherlands.
