PINUNA kan Commission on Audit (COA) an soboot mga delayed na flood control project kan Metropolitan Manila Development Authority (MMDA).
Sa 2023 annual audit report kan COA sa MMDA, nasaysay digde na 22 gikan sa kabilogang 58 project na yaon sa irarom kan Metro Manila Flood Management Project Phase 1 an naantala an pagka-kumpleto.
Basado sa target completion date kan mga nasambitan ng proyekto, dapat kuta an natapos na an mga ini kan nakalihis pang Disyembre 31, 2023.
Ini an labi 300 days na naantala gikan sa target.An labi 20 na proyekto an igwang kabilogang budget na P510,58 million.
Nakasaysay pa sa audit report kan COA na 29 na iba pang flood control project kan MMDA an dae pa maimplementa huli sa soboot dae pagsunod sa ‘early procurement activities’.
An 29 proyekto na ini an igwang kabilogan na P371.029 million.
Pira sa mga rason na pigtukoy kan COA kun tano nagkaigwa nin halawig na delay an soboot maluyang istratehiya kan MMDA sa monitoring asin implementasyon sa mga programa asin proyekto kaini.
Ini an nagigin rason, sigun sa komisyon, kaya pirming pigbabago an target completion date sa mga nasambitan ng proyekto.
Suhestiyon kan COA, kaipuhan parekason kan MMDA an implementasyon kan mga programa asin proyekto kaini tanganing mapamarhay an kalidad kan serbisyo para sa publiko.
