Sinitar kan Commission on Audit (COA) an hababang utilization sa pondo para sa Medical Assistance to Indigent and Financially Incapacitated Patients Program (MAIFIP) kan Department of Health (DOH) kan taong-2024.
Kaibahan sa rason iyo an maluyang pagkaantala sa pagluluwas kan pondo, unliquidated transfers, asin dae pare-parehong aplikasyon kan programa.
Tinukoy kan auditors an P3.013 bilyong dae nagamit, partikularmente sa mga Center for Health Development sa Western Visayas, Central Visayas, Mimaropa, asin Eastern Visayas, dara kan late fund transfers, kulang na dokumento asin kakulangan sa staff.
An MAIFIP an nagtatao nin pinansiyal na tabang sa pasyenteng dae makabayad, kaibahan an bulong, konsultasyon, tests, piling surgeries, asin post-hospitalization care.
Sa ibong man kan isyu, inaprubaran kan bicameral conference committee an P51-bilyong badyet para sa nasambitan ng programa, mas halangkaw sa P29 bilyon kan Senado, alagad igwang pag-aalinlangan an nagkapirang lehislador huli sa posibleng pork-like nature kaini asin political influence.
Katakod kaini, inabisuhan kan COA an DOH asin mga pasilidad na parekason an pagluluwas nin pondo, dugangan an staffing, ipautob an liquidation, asin magsunod sa MAIFIP guidelines.
