NAGA CITY- Pigsaysay kan coach ni rowing athlete Joanie Delgaco na tubong Iriga City na piglaoman na ninda an kapangganahan kan atleta sa nasambitan ng ladangan.
Sa entrevista kan Bombo Radyo Naga ki Edgardo Maerina, Coach ni 2025 sea games silver and gold medalist ni Joanie Delgaco, sinaysay kaini na namantinir man ni Joanie an saiyang performance orog na ta maikokonsederar naman ining beterana huli sa pagsabak sa Olympics.
Marurumduman, naipuli ni Joanie an gintong medalya kaibahan sin Kristine sa Wowen Double Sculls mantang silver medal man an saiyang naibulsa sa Lightweight Wowen Single Sculls.
Apwera digde, igwa pang duwang bronze an naibulsa kan saindang team sa nasambitan ng karawat.
Sigun ki Maerina, nagin masakit an labanan sa SEA games orog na ta limitado sana an babaeng atleta sa rowing kun kaya napiritan sinda na isabak sa duwang event si Joanie.
Dugang pa kan nasambitan ng coach, makalihis an Olympics nabakante an atleta asin nagtraining man ini sa Philippine Navy.
Nag-abot sa 2 hasta limang bulan sana an preparasyon ni Joanie para sa SEA Games.
Mientrastanto, nagin magabat na kalaban man kan Pilipinas sa rowing an nasyon kan Vietnam asin Thailand.
Sa ngunyan, mapuon naman sa masunod na taon an preparasyon ni Joanie para sa kompetisyon na papartisiparan kaini.
