Masanib pwersa an mga Coast Guard kan Pilipinas, Amerika asin Japan para sa ikakasang limang aldaw na trilateral maritime exercise sa Kagoshima, Japan puon sa Hunyo 16 na mahaloy nin hasta sa Hunyo 20.
Basado sa PCG, idedeploy sa pagsasanay an 97-meter multi-role response vessel na BRP Teresa Magbanua. Antes ini, nakatalaang isagibo an send-off ceremony para sa BRP Teresa Magbanua asin mga crew kaini sa Biyernes, Hunyo 6.
Piglalaoman na makakaabot an barko kan Pilipinas sa Japan sa Hunyo 12, kasabay kan pagselebrar kan Araw ng Kalayaan kan satuyang nasyon.
Ini man an ikaduwang pagkakataon na masagibo an tolong nasyon kan nasambitan ng capacity-building activity kasunod kan enot na trilateral exercise na pigsagibo sa may Mariveles, Bataan kan Hunyo 2023.
Sa kabilogang kan pagsasanay, malibot an mga coast guard personnel sa mga pasilidad, magsagibo nin mutual visits sa mga patrol vessels, maritime exercise meetings asin capacity-buiding exercises.
Sigun pa sa PCG, nakaangkla an nasambitan ng pagsasanay sa direktiba ni Presidente Ferdinand Marcos Jr. para sa PCG para makiparte sa mga inisyatibo para sa pagpapahusay pa kan kapasidad kan hukbo na nagtataguyod kan kooperasyon, pagkakaintindihan asin mutual trust sa saindang mga counterparts.
Obheto kan ikaduwang trilateral maritime exercise na mas mapakusog pa an kolaborasyon asin mas mapararom pa an diplomatikong relasyon sa Coast Guard counterparts siringman tanganing ma-explore pa an mas kadakol pang avenues para sa maritime cooperation pasiring sa pagkakaigwa nin rules-based order.
