Ipighayag ngunyan kan Commission on Elections (Comelec) na igwang pagbabago sa form na gagamitun kan mga kandidato na masumite kan saindang Certificate of Candidacy (COC) na mapuon na sa Huwebes, Oktubre 11.
Sa entrevista kan Bombo Radyo Naga ki Alex Marpuri, spokesperson kan Comelec-Camarines Sur, sinaysay kaini na igwang ipigdagdag na ika-22 item sa COC Form na gagamitun kan mga ma-file kan saindang kandidatura para sa 2019 Midterm Elections.
Nakabugtak suboot sa ika-22 item an summary kan mga kasong kinakahampang ngunyan asin kinahampang kadto kan mga makandidato.
Kamawotan sana suboot kaini na maaraman kan legal department kan Comelec kun ano na an presenteng estado kan mga kasong kinakahampang kan mga aspirants.
Sa ibong kan dugang na item sa COC Form, piglinaw ni Marpuri na dae ini gagamitun para ma-disqualify an sarong kandidato.
Sigon ki Marpuri, dae kapot kan komisyon an pag-disqualify sa kandidatura kan mga indibidwal na mapapatotoohan imbwelto sa transaksyon kan illegal na droga o ang mga narco politicians siring na iba pang mga kaso kaini.
Mientrastanto, preparado na an Comelec Camarines Sur para sa limang aldaw na COC filing kumo parte kan pagpepreparar para sa election sa m
