Pasado alas alas 3:30 ngunyan nin pagkahapon kan mag convene an comelec en banc na iyong masirbing mga national board of canvassers.
Presenteng naka sesyon na an en banc na iyong mag oversee para sa canvassing kan mga boto sa pagka senador asin partylist sa 2025 midterm election.
Sa pag convene kan comelec en banc, pigheras ni Comelec chairman George Erwin Garcia an saindang nagin sakit asin man hamon sa preparasyon kan poll body sa 2025 midterm elections.
Sa saiyang patara-tara pinasalamatan kaini an manlaen-laeng ahensiya kan gobyerno partikularmente an security sector na iyong nagin saindang katuwang sa pag deliver kan mga election parapehrnalias orog na duman sa mga geographically isolated areas.
Umapelar si Garcia sa saiyang mga kaibahan na saindang ipagpapadagos an saindang trabaho hasta sa matapos an electoral process.
Inihayag ni Garcia na posibleng alas 9 o alas 10 nin pagkabanggi mai-proclaim na an mga nanggana na local officials alagad an mga national candidates sa laog kan lima hasta anom na aldaw.
Presenteng ipinahiling an pag install asin pagbubukas sa consolidation and canvassing systems na gagamiton para sa canvassing.
