Tinawan-duon kan Commission on Election (COMELEC) na tama an saindang desisyon na i-disqualify an Smartmatic sa bidding para sa pagkua nin technology provider para sa 2025 midterm election.
Ini an makalihis na kasuhan kan Department of Justice sa Amerika an pagbalgar sa anti-money laundering si dating COMELEC Chairman Andres Bautista.
Sigun ki Garcia, padiit-diit na nagluluwas an mga ebedensya na nagkaigwa nin suhulan sa mga opisyal kan COMELEC kan 2016 tanganing paboran an Smartmatic asin igawad an election contract kan Pilipinas.
Katakod kaini, pigsierto kan poll chief sa United States Department of Justice (US-DOJ) na makikipagtabangan an COMELEC para sa mga dokumento na kakaipohanon sa kaso.
Sa katotoohan, igwa na soboot mga kinatawan gikan sa United States Department of Justice an nagpasiring sa sainda na naghahagad nin mga dugang na ebidensya tanganing maduon sa kaso si Bautista alagd dae man pigtukoy ni Garcia kun anong mga dokumento an saindang itinao.
