Inihayag ni COMELEC Chairman George Erwin Garcia na bukas ining gibuhong automated na an isasagibong Barangay asin Sangguniang Kabataan Elections (BSKE) sa Nobyembre 2026 huli na man sa mga benepisyo kaini sa halalan.
Sa ekslusibong entrevista kan Bombo Radyo Philippines, sinaysay ni Garcia na kun automated na an sarong eleksyon, mas marikas nang maaraman an resulta kan botohan.
Dugang pa kaini, malilikayan na man an karahasan oras na automated huli ta pig-aako na tulos kan mga naog an resulta kumparar sa mano-manong binibilang, mas nag-iinit man an labanan kan kada kandidato.
Bagaman, panibagong preparasyon sa poll body kun gibuhong automated an BSKE, dae man mawawara an benepisyo kaini para sa pagsasagibo nin mas pakarhay asin matuninong na halalan na nahiling na man kan mga botante asin poll body sa nakalihis na Midterm Elections kan nakalihis na bulan nin Mayo.
Mientrastanto, pigheras man ni Garcia na padagos na dinadagsa an voters registration kan komisyon sa bilog na nasyon. Haros nasa 65% sa mga nagpaparehistro iyo an mga first time registrants.
Marahay na indikasyon ini na nagpapahiling nin kagustuhan kan mga Pinoy na makaboto sa masunod na mga pirilian.
Madurar an Voters Registration hasta sa ika petsa 10 kan bulan nin Agosto asin nakatalaang ipagpadagos ini makalihis man kan Bangsamoro Parliamentary Elections sa Oktubre kan presenteng taon.
