Dagos-dagos hasta sa mga hararayong lugar an piggibong roadshow kan Comelec para sa mga automated counting machines (ACM).
Parte ini kan nationwide ACM roadshow na pinuonan kan nakalihis na Disyembre 2, 2024.
Sa iniluwas na litrato, ipinapahiling an actual na pagbisita ni Election Officer Olive de Guia asin saiyang staff sa Brgy. Sampaguita, Lope de Vega, Northern Samar.
Obheto kaining magsagibo kan ACM Roadshow asin Voter Education tanganing magin familiar an mga botante sa gagamiton na makina sa 2025 midterm elections.
Target man kaining maipahiling an feature kan mga bagong makina na mayo sa dating piggamit kan nakalihis na mga eleksiyon.
Mahaloy an siring na aktibidad hasta sa Enero 30, 2025.
