Sinaysay ni Commission on Elections (COMELEC) Chairman George Erwin Garcia na saro sa mga idudugang kaining feature o probisyon sa bagong gigibuhong Election Management System (EMS) an magkakaigwa na ini nin kakayahan na makapagdugang nin pangaran tanganing dae na masakitan an poll body kun sakali man na igwang pagbabago liwat na gigibuhon sa balota.
An Election Management System (EMS) an importante sa sarong automated election huli digde pig-ayos an mga pagpreparar asin mga materyales na kakaipuhanon sa eleksiyon.
Sa presente, an enot na nagibo asin ginamit na system an dae pwedeng magdugang nin pangaran tanganing dae ini masamantala na mag-iba na sana nin pangaran basta-basta.
Sigun ki COMELEC Chairman Garcia, paagi ini kan poll body tanganing dae na masakitan kun sakali man na igwang kaipuhan na naman na baguhon o idugang sa system.
Alagad, pigtawan-duon kaini na kun sakaling igwang magluwas liwat na Temporary Restraining Order (TRO) na igwang kinaaraman sa pagdiskwalipika kan mga kandidato orog na labi sa national na lebel, magba-back-to-zero liwat an komisyon sa pag-imprenta huli ta kaipuhan ini kaining sunudon.
