Pig-ako ni Comelec Chairman George Erwin Garcia na mayo ining na stablish na pattern na magsasabi na pigtuyo para sa dakulang lakdang nin pandadaya an mga double asin multiple registration kan mga botante.
Kasunod ini kan ribong igwang pauro-utro na entry sa saindang database.
Paliwanag ni Garcia, kadalasan sa mga ini an honest mistake huli sa paglaom na dagusan ng napura an saindang lumang pagpaparehistro huli ta dae nakaboto sa magkasunod na eleksyon.
Sigun sa opisyal an dapat kuta na ginibo kan mga ini an nag-reactivate sana gikan sa lumang record, orog na kun enkaso nagbalyo nin harong asin voting area.
Alagad, oobserbahan pa man soboot kan poll body kun igwang mga mahihiling sinda na trend kan pandadaya tanganing tolos ining maaksyunan.
Dae na soboot kaya makakalusot an flying voters huli ta nade-detect na ini kan biometric system na ginagamit kan komisyon, puon kan puonan an automated voting process sa nasyon kan taong 2020.
