NAGA CITY- Naglunsar an Commission on Elections (Comelec) nin “Task Force Katotohanan, Katapatan, Katarungan” tanganing labanan an misinformation asin disinformation para sa nararaning May 2025 midterm elections.
Sigun sa poll body, an Task Force KKK, an magmomonitor asin magre-regulate nin mga nai-post asin nai-publish na nilalaman sa quadri-media (TV, radyo, print asin online).
Irerekomendar man soboot kan Task Force KKK an pag-uusig sa mga nagtatao nin misinformation, disinformation asin mal-information siringman sa mga malicious actors ngunyan na talamak an artificial intelligence asin deepfakes. Pigtawan duon pa kan ahensya, an pagkriar nin task force na igwang obhetong maproteheran an integridad kan Comelec.
Mientrastanto, opisyal ng piglunsar an Task Force KKK sa sarong forum na “Philippine Elections and AI” na pigsagibo sa University of the Philippines College of Law sa Quezon City.
