Pig-anunsyar ni Commission on Elections (COMELEC) Chairman George Erwin Garcia na poon ngunyan na aldaw, nag iimbentaryo an saindang mga tauhan sa National Printing Office (NPO) kan gabos na balota na mararaot huli ta dae na pwedeng gamiton giraray.
Segun ki COMELEC Chairman Garcia, nagsurat na sinda sa Commission on Audit (CoA) dapit digdi asin inimbitaran man ninda an mga opisyales kan opisina, citizens’ arms, asin concerned groups na bantayan an pagraot kan mga balota.
Sa ngunyan, dae pa nin itinalaan na petsa kan pagraot kan mga balota huli ta an prayoridad kan komisyon ngunyan iyo an pag-imbentaryo kaini asin ipadara sa bodega kan poll body sa Biñan, Laguna tanganing paramientras i-secure.
Katakod kaini, pigsierto man ni COMELEC Chairman Garcia sa publiko na dae na nuarin man gagamiton sa ibang katuyuhan an mga dati nang imprentadong balota.
Mientrastanto, pig-anunsyar man ni COMELEC Chairman Garcia na kabale sa mga raraoton iyo an nasa poco mas o menos 4.6M na balota para sa Bangsamoro Parliamentary Elections, dawa na ngani dae maaapektaran an saindang mga balota sa pagbabago kan pangaran kan mga kandidato.
Ipinaliwanag pa kaini na an gabos na balota naka-serialize asin an Election Management System (EMS) binago man, kaya man an komisyon kinaipuhan na sanang magbalck-to-zero para digdi. Ini man pagpapahiling sa mga botantes na mayong magigin problema saindang balota na gagamiton sa eleksyon.
