Pigbasura kan Commission on Election (COMELEC) an petisyon na naghahagad na i-disqualify an nakakulong na si Pastor Apollo Quiboloy sa pagdalagan sa 2025 election.
Segun sa desisyon kan Comelec First Division na dae sinda nakumbinsi kan petitioner sa rason na maikokonsiderar na nuisance candidate si Quiboloy.
Nakabugtak sa petition na pigsunad ni labor leader Sonny Matula, na huli sa material misrepresentation kaya nagkakanigong idis-qualify si Quiboloy.
Mayo soboot nin basehan an nominasyon ni Quiboloy kan Workers’ and Peasant Party (WPP) na pigtintaan soboot kan sarong Mark Tolentino an nomination of acceptance kan dating Pastor.
Dae opisyal o miyembro kan WPP si Tolentino kaya man dapat na ini an ibasura na. Dugang pa kan COMELEC na an pagsumiter kan dae otorisadong CONA, dae pwedeng magin material misrepresentation.
