Nagpakol na sa 66 an nasa inisyal na listahan kan Commission on Elections (COMELEC) kan mga makandidato sa pagka-senador para sa 2025 National and Local Elections.
Sigun ki Comelec Chair Atty. George Erwin Garcia, posible pa ining madugangan huli ta an natatada sa 183 na nagsunad kan kandidatura an padagos pa man giraray na nagsairarom sa screening o pighihiling pa man kun pwede pang makonsiderang legitimate o valid candidate.
Dugang pa ni Garcia, an mga pighiling man kan law department na dae valid candidate o nuisance candidate an papadarhan ninda nin surat o ipapaapod tanganing masierto kun sala ba an determinasyon kan Comelec.
Pigtawan duon pa kan ahensiya na dae ninda ikokonsiderar na nuisance candidate o panggulo an sarong aspirant huli sana sa estado kaini sa buhay o huli ta mayo ining pondo tanganing mangampanya sa eleksyon.
Mientrastanto, pigsierto man kan Comelec na pag-abot nin December 13, igwang final list na kan gabos na kandidato sa bilog na Pilipinas, national man o local huli ta plano soboot kan komisyon na mag-imprenta nin balota sa huring semana kan Disyembre.
