Nanindugan an Commission on Elections (COMELEC) na ikonsiderar na paramientras na bakante an mga puwestong ini sa pagsasagibo nin halalan sa Bangsamoro huli sa padagos na kawaran nin linaw katakod kan mga puwestong parlamentaryo na dating nakatagama para sa probinsya kan Sulu.
Matinir na bakante an pitong puwesto asin dae masagibo nin halalan para sa mga kinatawan kan distrito gikan sa Sulu.
Dugang pa digde, an desisyon kun pano pupunan an mga puwestong ini an ipauubaya sa iba pang sangay kan gobyerno.
Saro sa mga dahilan kan pagpapauktaba kan BPE gikan Mayo 12 pasiring Oktubre 13 iyo an pagluluwas nin desisyon kan Korte Suprema na dae kabali an probinsya kan Sulu sa BARMM .
Kaipuhan muna na amyendaran kan Bangsamoro Parliament an Bangsamoro Parliamentary Districts Act of 2024 asin nagdesisyon kun ano an gigibuhon sa pitong puwesto kan Sulu.
Liwat na pighurot ni COMELEC Chairman George Erwin Garcia na idadagos an halalan sa Oktubre 13 kun saen 73 puwesto sana an pagbobotohan.
