Magkakaigwa nin tyansa na ipaglaban kan mga nasa 117 senatorial aspirants na dai napaiba sa partial list, an saindang kaso sa Commission on Elections, sigun ki Comelec Chairperson Atty. George Erwin Garcia.
Pigtutugotan kaya kan Omnibus Election Code an Comelec, na kusang magdesisyon o base sa sarong verified petition, na sasayumahan o kanselahon an kandidatura kan sarong aspirant, o mga pigkokonsiderar na “nuisance candidate” tanganing mamantinir an integridad o dignidad kan eleksiyon.
Alagad sa ibong kaini, igwa pa man nin tyansa an mga indibidwal na ini mag-apelar sa desisyon kan Comelec en banc.
Sigun ki Garcia, obheto kan komisyon na lutason an gabos nin petisyon kontra sa mga nasambitan ng kandidato sa laog sana kan bulan nin Nobyembre tanganing makagibo pa man nin final list kan mga kandidato asin padagos an printing kan balota antes matapos an Disyembre.
