Pigsaysay ni Presidente Ferdinand R. Marcos Jr. na kaya kaini pig-ako an pagbubutas ni dating Department of Public Works and Highways (DPWH) Secretary Manuel Bonoan an huli sa command responsibility.
Sigun sa Presidente, inako ni Bonoan an responsibilidad sa mga anomalya sa flood control na soboot nangyari sa irarom kan saiyang pamamayo sa ahensya.
Marurumduman, enot nang pigsaysay kan Presidente na yaon pa man giraray an saiyang tiwala ki Bonoan sa ibong kan isyu.
Mientrastanto, napili man kan Presidente si Sec. Vince Dizon na mamayo sa DPWH huli sa magayon na performance kaini sa DOTr, partikularmente sa pagpapautob kan mga darakulang proyekto sa transportasyon.
Pamilyar man ini trabaho sa DPWH asin kumpiyansa an Punong Ehekutibo na aram na ni Dizon an mga dapat gibuhon asin ipautob sa DOTr kaya pwede na soboot ining walaton asin magbalyo sa public works.
