‘Competency’, kaipuhan kan mga Pinoy para mabuhay asin bako an pag-abroad –Kabayan partylist

NAGA CITY– Tinawan duon ni Kabayan Partylist Rep. Ron Salo, member kan Committee on Overseas Workers Affairs na solamenteng ‘competency’ sana an kaipuhan para mabuhay an mga Pinoy.

Sa entrevista kan Bombo Radyo Naga ki Salo, sinaysay kaini na dae soboot kaipuhan kan mga Pinoy na maghale sa Pilipinas asin matrabaho sa ibang nasyon para sana mag-uswag an saindang buhay.

Kung may sadiri soboot na kakayanan an sarong Pinoy, dawa saen na lugar magduman, madali sana para sa mga ini na makahanap nin magayon na trabaho.

Dagdag pa kan opisyal, kaipuhan sana soboot nin mas hararom na pagtasa sa mga abilidad na igwa an sarong tao para mapagayon an buhay sa Pilipinas.