Pigtawan duon ni Davao City Rep. Paolo Duterte na dae makakabalik sa Pilipinas si dating Presidente Rodrigo Duterte hasta si Presidente Ferdinand Marcos Jr. an Presidente.
Sigun sa saiya, nagpapangadye an saindang pamilya na maabot an aldaw makakabweltada sa Pilipinas an dating Presidente, alagad sa ngunyan mas pigpili kaining magtinir sa The Hague, Netherlands hasta si Marcos an Presidente.
Nagtao man si Rep. Duterte kan update dapit sa salud kan saiyang ama. Dugang pa kaini, maayos an salud kan dating Presidente, may dugang na timbang, alagad nagtitinir na payat an saiyang mga bitis dahil sa kakulangan kan ehersisyo.
Padagos man soboot ining pig-aataman sa ICC detention facility mantang pigre-review kan Pre-Trial Chamber an saiyang kaso katakod sa war on drugs.
