NAGA CITY – Labi an kaugmahan ni Cong. Lray Villafuerte makalihis iproklamar na kan Board of Canvassers komo ganador sa pagkakongresista sa ikaduwang distrito kan Camarines Sur.
Sa paghampang ki Villafuerte sa mga kagawad kan media, nagpasalamat ini sa gabos na mga nagsuporta saiya nganing liwat na pangenotan an nasambitan ng distrito.
Napag-araman na dinaog ni Villafuerte an kalaban na si Maribel Andaya-Eusebio sa labi 3,000 na boto.
Sa ngunian naglalaom an kongresista na sunod na mapoproklarar komo gobernador kan probinsya an aking si Gov. Migz Villafuerte na gitgitan man an laban kontra ki 1st District Rep. Rolando “nonoy” Andaya Jr kunsaen labi sa 5,000 na boto sana an lamang kan aking Villafuerte.
