Nagpromesa si Batangas 1st district Rep. Leandro Leviste na sa “tamang panahon”, iluluwas kaini an mga ebidensya kan pagreseber nin kickbacks gikan sa maanumalyang mga proyekto kan Department of Public Works and Highways o DPWH.
Pigsaysay pa ni Leviste, nagpreparar ini nin mga video dapit sa nasambitan ng mga ebidensya tanganing anuman an mangyari sa sa saiya an siertong maluwas an katotoohan.
Pigtawan duon pa ni Leviste, labi pa sa Cabral Files an kapot kaining mga ebidensya alagad pinayuhan soboot ini na dae pa ngunyan an tamang panahon tanganing iluwas an mga ini.
Dugang pa kan opisyal, enkaso nailuwas na an ebidensya maintindihan kan publiko na kaya pig-aatake ini huli sa “takot” sa sa saiyang mga ibubuyagyag.
Naglalaom man si Leviste na maheras nin katotoohan sinda dating DPWH Secretary Manuel Bonoan asin Undersecretary Roberto Bernardo siringman an mga presente asin dating cabinet secretaries asin undersecretaries na igwang aram dapit sa maanomalyang DPWH projects asin siisay an nakareseber nin kickbacks.
Enot na digde, pigsaysay ni Leviste na dae kaini mawot na mag-abroad alagad pinakiulayan kan nagkapirang representante kan administrasyon an saiyang ina na si Senartor Loren Legarda na magpasiring muna ini sa ibang nasyon.
