NAGA CITY– Irido an sarong construction worker makalihis pagbabadilon kan dai pa nabibistong suspek sa Cita Grande Damayan 1 Barangay Ibabayang Iyam, Lucena City.
Binisto an biktima na si Reygie Fontelo, 30 anyos asin sarong construction worker.
Sa nagunong impormasyon kan Bombo Radyo Naga napag aramang nagalakaw sana papuli sa saindang harong an burat na si Fontelo kan bigla na sana ining untukan kan sarong puting behikulo asin tulos na pinagbabadil an biktima.
Huli digdi, nagsapo nin lugad sa saiyang walang bitis an biktima na tulos idinalagan sa ospital.
Meintrastanto, makalihis an insidente tulos man nagdulag an dai pa nabibistadong suspek na lunad nin puting behikulo.
Sa ngunian, nagpapadagos pa man an imbestigasyon kan mga otoridad manungod sa nasambitan ng insidente para sa posibleng pagkakadakop asin pagkakabisto kan nagdulag na suspetsado.
