Irido an sarong lalaki makalihis na tagaon sa Lucena City.
Binisto an biktima na si Jeffrey, 24-anyos, sarong construction worker asin residente kan Purok Villasante, Brgy. Ibabang Dupay, sa nasambitan ng siyudad.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang nagkaigwa nin argumento an biktima sa suspek na binistong si alyas Imboy, 29-anyos asin residente man kan nasambitan ng lugar.
Sa inisyal na imbestigasyon kan mga otoridad, napag-araman pa na huli sa kaanggotan, bigla na sanang nagkua nin bolo an suspek asin pigtaga an biktima.
Mientrastanto, tulos man na naghagad nin tabang an biktima sa on-duty barangay tanod, na nagresulta tanganing maarestar an nasambitan ng suspek.
Sa ngunyan, nasa kustodiya na kan mga otoridad an suspek para sa magkakanigong disposisyon.
