Construction worker, sinunadan nin kasong Attempted Rape makalihis na purbaran na lugusan an 19-anyos na babae sa Quezon

NAGA CITY- Nahahampang ngonyan sa kasong Attempted Rape an sarong construction worker makalihis na purbaran na lugusan an sarong 19-anyos na babae sa banwaan nin Mulanay, Quezon.

Sa ipinaabot na impormasyon kan Mulanay-PNP sa Bombo Radyo Naga, napag-araman na nagdadalan nin pelikula an biktimang binisto sana sa alyas na May kan mag-abot an suspek na si alyas Allen kun saen bigla na sana suboot kaining pighadukan an biktima sa liog asin hinipuan an legs kaini.

Sigon sa biktima, ini na an panduwang beses na nagpurbar an suspek na maggibo nin kausmakan sa saiya.

Tulos man na nadakop kan mga otoridad si alyas Allen asin presenteng nakakarsel para kahampangon an nasambitang kaso.