Aram baya nindo mga ka-bombo, pigmirar komo world’s largest ice cream parlor an Coppelia Park na makukua sa Havana, Cuba.
Ini an bistado man komo Ice Cream Cathedral, na kayang mag-akomodar nin nasa 30,000 customers kada aldaw.
An nasambitan ng ice cream parlor an pinatindog kan taong 1966, kun saen ini an pigbibilog kan nasa two-storey domed pavilion na inspired kan iconic Cathedral kan Brasilia ni Oscar Niemeyer.
Katakod kaini, nagpapakol man sa haros ginatos an mga lamesa para sa mga costumer na mawot magbakal kan nasambitan ng ice cream.
Basado sa istorya, sarong Fidel Castro an nagsugo sa konstruksyon kan edificio asin nag-oder nin nasa 28 container kan ice cream gikan sa American producer na si Howard Johnson.
Kan manametan an ice cream nagdesisyon ini na magkriar nin mas dakula, mas marhay alagad mas baratong ice cream na kayang mabakal kan gabos.
Puon kaidto, hasta sa presente, ribong mga tawo an padagos na nag-e-enjoy kan saindang subsidized ice cream sa Coppelia Park.
