Ipinagsugo kan Palasyo Malacañang an pagsusumiter kan courtesy resignation kan gabos nin opisyal sa irarom kan Presidential Communications Office (PCO).
Ini an tangani matawan nin kalayaang magdesisyon an bagong PCO Secretary sa paggampan kan saiyang mga obligasyon, basado sa inisyung memorandum ni Executive Secretary Lucas Bersamin.
Sakop kan nasambitang ng direktiba an gabos nin Presidential Appointees sa irarom kan PCO na dae permanente an appointments.
Hasta kan nakalihis na aldaw, Pebrero 28, an itinao na petsa para sa pagsusumiter kan courtesy resignation kan mga concerned official.
Pig-atasan man si PCO Secretary Jay Ruiz na masusing i-monitor an pagsunod kan PCO officials sa nasambitan ng direktiba.
Marurumduman, niribayan ni Ruiz si dating Communications Sec. Cesar Chavez makalihis na magbutas an ini na kun saen kabali sa pangenot na direktiba sa irarom kan pamamayo ni Ruiz sa PCO an labanan an disinformation.
