Ipinag-orgulyo kan Philippine National Police (PNP) na nagbaba an naikurit na krimen sa nasyon.
Sigun sa PNP na igwa nin 18.4 percent an pagbaba kan krimen sa entirong nasyon sa enit na tolong bulan kan taon.
Basado sa datos kan PNP na puon kan Nobyembre 3, 2024 hasta Enero 11, 2025 igwa nin 8,950 na krimen na nairehistro.
Alagad pag-abot kan Enero 12 hasta Marso 12, 2025 igwa nin 7,301 na krimen an naikurit. An mga krimen na naikurit iyo an murder, homicide, physical injury, rape , robbery, theft motor vehicle asin motorcycle theft.
An murder case nagbaba na gikan sa dating 1,535 nagin 1,243 na sana mantang an homicide na gikan sa 1,341 nagin 1,201 asin an physical injury nagin 663 na sana gikan sa dating 1,002.
