Naalarma an gobyerno huli ta nagigin sopistikado asin digital na an mga transaksyon na ginagamit sa pagriribayan kan iligal na droga sa nasyon.
Sa press briefing kan Malacañang, pigbuyagyag ni Department of the Interior and Local Government (DILG) Secretary Jonvic Remulla na nagagamit man nin cryptocurrency an mga sindikato asin preso na imbuelto sa distribusyon asin transaksyon nin droga.
An cryptocurrency na sarong klase nin digital na kuwarta nagpoon kan 2009, kun saen an bitcoin iyo an nagin pinakaenot na cryptocurrency na nagin popular sa bilog na kinaban.
Sigun ki Remulla, kun digital money an gagamiton, an dae mabubuko asin marekas nindang itago an saindang transaksyon.
Ini an kawsa kun tano ta pig-ako ninda na ini saro pang problema na dapat atubangon kan gobyerno.
