Mahigot na pigbubusol ngunyan kan Department of Information and Communications Technology an pagkanuod kan ‘cyber hygiene’ bako sana kan publiko kundi orog na partikular sa mga jovenes.
Ini an saindang pigtutulak sa kadaklan na manudan tangani mas magin malikay sa kada transaksyon asin ibang mga ginigibo online na pigkakahaditan na may darang peligo sa sarong indibidwal.
Pighurot mismo ni Secretary Ivan John Uy, kan Department of Information and Communications Technology (DICT) na dapat maaraman na tulos kan sarong aki kun pano ingatan an sadiri sa oras na ini makagamit nin smartphone.
Paliwanag pa kan sekretearyo kan nasambitan ng ahensya, an cyber hygiene bako sanang technical skill kundi ini an maikokonsiderar man na sarong life skill na importanteng maitukdo sa jovenes.
Mientrastanto, sa paglaog man kan enot na aldaw sa panibagong bulan, liwat nagtao nin patanid si Secretary Ivan John Uy ngunyan na love month.
Ini an kasabay kan piglalaoman na pagdakol pa sa mga mairerehistrong kaso nin love scams na mabibiktima kan mga manloloko. Kaya ma pangapudan kaini na mag-ingat an publiko sa mga ginigibo kaining aktbidad sa online.
