Nakatalaang ilunsar kan Department of Agriculture (DA) an sarong online platform tangani mabantayan an mga proyektong farm-to-market roads (FMR), kasunod kan nabuyagyag na iregularidad sa nagkapirang proyekto.
Aapudon ining FMR Watch website na kun saen pwedeng mag-upload ann siisay man kan mga ladawan asin progreso kan mga proyekto sa saindang lugar, kaiba na an mga nanunutarang iregularidad sa construction sites.
Naglalaom an DA na sa paagi kaini, mas mahigot na mababantayan an FMR projects asin masiertong updated an construction.
Malilikayan man an korapsyon sa pondo, siring kan nangyari sa kadakol na flood control project sa manlaen-laen na parte kan nasyon.
Pig-inkaminar man ni Agriculture Secretary Francisco Tiu Laurel Jr. an mga paraoma, lokal na gobyerno, asin mga ordinaryong kahimanwa na makipagtaangan sa pagbabantay sa mga pigtutugdok na FMR.
An publiko an mas nakaka-aram sa aktwal na sitwasyon, asin sinda man an mas makikinabang sa pakarhay na nagibong proyekto.
Apwera digde, malunsar man an DA nin saro pang portal na kun saen pwedeng mabantayan kan publiko an eksaktong lokasyon kan agricultural road projects. Sa siring na paagi, pwedeng bisitahon kan siisay man an mga pigtutugdok na proyekto.
