Pig-angat na kan Department of Agriculture (DA) an import ban sa South Korea sa mga produktong heat-processed pork na iyong nagin epektibo anom na taon nang nakakalihis dara man sa nagin epekto kan African swine fever (ASF).
Basado sa pigluwas na Memorandum Order no. 23, pigtutugotan na an liwat na paglaog kan mga produkto gikan sa nasambitan ng nasyon siring an mga produkto man an nagsasairarom sa proseso kan sarong high-level heat treatment.
Sigun sa departamento, sa paagi kan polisiyang ini an magkakaigwa nin mas kadakol na pork products na magigin available para sa mga konsyumers sa laog kan nasyon.
Marurumduman man na kan nakalihis na Abril 8, pigpahiling kan Import Risk Analysis (IRA) na an sterilized pork gikan sa SoKor an saro nang ‘safe commodity’ makalihis na magin laog sa mga panundon kan World Organization for Animal Health Standards.
Mientrastantpm kan nakalihis na taong-2019 nagin epektibo an import ban sa nasambitan ng nasyon tanganing malikayan an ASF sa Pilipinas.
Sa ngunyan, an aktibong mga kaso kan ASF an nagbaba na gikan sa 47 sa 23 na siyudad asin munisipalidad gikan sa 54 barangay sa 28 siyudad asin munisipalidad kan nakalihis na Abril 11.
