Pinirmahan kan Department of Agriculture asin Japan International Cooperative Agency an ¥1.7 bilyon (P640 milyon) tanganing magpatindog kan modernong processing system sa Isabela.
Obheto kan proyekto na pakusugon an buffer-stocking kan National Food Authority sa probinsiya sa paagi kan grain dryers, multi-stage rice mill, asin grain silos.
Sigun ki Agriculture Secretary Francisco Tiu Laurel Jr., mkakatabang ini na bawasan an postharvest losses, mapamarhay an milling recovery, asin makapaghatod nin de-kalidad na bagas mamamayan.
Piglalaomang makikinabang an labi 5,000 na paraoma sa Cauayan City asin haraning banwaan sa paagi kan mas makusog na partisipasyon sa NFA procurement programs, asin makakatabang ini sa pagmamantinir kan stable na presyo kan bagas.
Sigun sa DA, pigtatarget kan proyekto an haloy nang kaluyahan sa rice supply chain, kun saen 16% kan produksiyon an nasasayang sa postharvest handling.













