Nakatalaang rauton kan Departmnet of Agriculture (DA) an tone-toneladang sibulyas na nasabat sa Mindanao International Container Terminal.
Enot na pigsairarom sa laboratory analysis an mga nasambitan ng kontrabando asin kinalaunan nagpositibo an mga ini sa E. coli bacteria, basado sa official report kan Bureau of Plant Industry.
Basado sa costums regulations, an mga contaminated perishable goods an dapat rauton tulos o ipabweltada sa nasyon kun saen gikan an mga ini.
Pigkumpirmae ni DA Sec. Francisco Laurel Jr. na rarauton na sana an mga ini, gamit an mga pasilidad kan gobyerno, tanganing mapugolan an posiblenag paglaog kan mga nasambitan ng produkto sa manlaen-laenbna merkado.
Kun be-bweltadahan an record kan DA asin Bureau of Customs, nag-abot an mga nasambitan ng kontrabando sa Mindanao International Container Terminal kan nakalihis na bulan nin Mayo. An mga ini an pawang gikan sa China.
Enot ng naideklarar an mga nasambitan ng kontrabando komo mga food items siring kan egg noodles, pizza asin iba pa.
An consignee kaini an natukoy komo sarong Manila-base trading company.
