Nakikipagkoordinar an Department of Agriculture (DA) padagos na a manlaen-laen na nasyon tanganing maseguro an magkakanigong suplay nin mga abono sa Pilipinas, sa tahaw kan padagos na krisis sa Middle East na nakakaapektar sa pangkinaban na merkado.
Susog ki Agriculture Secretary Francisco Tiu Laurel Jr. kan Miyerkules, nagdoble an presyo kan abono, na naglangkaw sa $800 gikan sa nakaaging $400 kada tonelada.
Huli kaini, nakikipag-ulay na an gobyerno sa mga nasyon arog kan India, Russia, asin Belarus para makakua nin alternatibong suplay para sa mga Pilipino na paraoma. Sa ibong kaini, kinumpirmar ni Tiu Laurel na mayong plano an Tsina na magpundo sa pagluwas nin abono sa Pilipinas.
Ini matapos an saiyang pagtiripon sa Chinese Ambassador sa Pilipinas na si Jing Quan niadtong Martes para pag-olayan an kooperasyon sa agrikultura. Pinahimutikan kan sekretaryo an mga bareta na an Tsina ma-implementar nin export freeze tanganing iprayoridad an sadiring mga pangangaipo.
Mientrastanto, pigsierto man ni Presidente Ferdinand Bongbong Marcos Jr. na nagdadanay na sapat an supply kan nasyon sa mga basic commodities asin fertilizers.
