Kumpyansa an Department of Agriculture (DA) na mababa pa an dakol kan bagas na inaangkat kan Pilipinas sa taong 2026, na dae na malampas sa apat na milyong metriko tonelada.
Sigun ki Agriculture Secretary Francisco Tiu Laurel Jr., an pigkakarkulong dakol kan bagas na aangkaton sa 2026 an nasa pag-ultanan kan 3.6 milyon hasta sa 3.8 milyong metriko tonelada.
Nagtutubod an sekretaryo na an nasambitan ng volume kan imported rice an bastante tangani masimbagan an pangangaipuhan kan bilog na nasyon para sa bagas, na dae negatibong naaapektaran an presyo kan paroy na binabakal sa mga paraoma sa farmgate.
Dugang pa digde, posible man soboot na magpakol sa sarong record-high an kabilugang produksyon kan paroy sa Pilipinas sa masunod na taon.
Pigheras man kan sekretaryo na nakipag meeting na ini sa manlaen laen na rice importers sa nasyon.
Sa nasambitan ng pagpupulong, inilahad kan DA an saindang plano tangani mas maayos na i-calibrate o isaayos an volume kan bagas na inaangkat.
Katakod man kaini, may plano man an DA na ilangkaw an taripa sa imported rice sa 20%, gikan sa presenteng 15% alinsunod sa napagkasunduan kan mga economic managers kan administrasyon ni Presidente Ferdinand R. Marcos Jr.
An bagong taripa an nilalaomang magigin epektibo sa Enero 1.
