Pig-anunsyar kan Department of Agriculture (DA) an paramientras na pagbawal sa paglaog kan mga pig-angkat na domestic asin wild na mga maok gikan sa Maryland asin Missouri sa U.S.
An lakdang an parte kan mga paghingowa na pugolan an pagkuriyat kan H5N1 highly pathogenic avian influenza (HPAI) na kasuarin sana naireport na marekas na nagkuriyat sa Estados Unidos.
Kaiba sa ipinagbabawal an mga produkto kan karne, sugok, mga sisiw asin semen kan hayop gikan sa nasambitan ng state sa U.S.
Sigun ki Agriculture Secretary Francisco Tiu Laurel Jr., an marekas na pagdakol kan kaso soboot kan bird flu sa U.S an puon kan enot na masuri in asin kinakaipuhan tawan nin pansin tulos kan gobyerno tanganing mapugolan an mahewasang hawaan sa Pilipinas.
Dugang pa kan ahensiya na an enot na outbreak an nadiskubre sa Maryland kan nakalihis na Enero 14, asin nagkalat sa Missouri kun saen 13.2 million an mga apektadong gamgam an kumpirmadong nahawaan kan nasambitan ng virus.
Sa pagkakalkulo hasta ngunyan nasa 145 million na mga manok an ginadan sa U.S. tanganing mapugolan an pagkuriyat kan virus sa mga hayop asin tawo.
Sa irarom kan memorandum order no. 7, obhetong protektaran an mga populasyon kan mga manok sa Pilipinas kontra sa HPAI.
Pigpupugolan man kan memorandum na ini an pagpapaluwas kan sanitary asin phytosanitary import clearance para sa mga produkto kan manok gikan sa Maryland asin Missouri.
Siring man, para sa mga kargamentong nasa biyaheng palaog o pigresebir na sa mga pantalan an tutugotan na maglaog, basta an mga produkto kan manok an masusing ginadan sa dae mababang 14-aldaw antes naireport an nasambitan ng outbreak.
Kan nakalihis na semana ipinautob man kan DA an pagbabawal sa pag-import kan mga produkto sa South Dakota, U.S.A, asin pirang rehiyon sa New Zealand huli sa magkakasuhay na mga outbreak kan avian influenza.
Mientrastanto kan nakalihis na Pebrero 7 mayong naikurit na kaso kan highly pathogenic avian influenza sa nasyon, sigun sa Bureau of Animal Industry.
