Pigkumpirnar kan Department of Agriculture na mahewas an mga umahan na naapektaran kan nagin panlalamasa kan bagyong Nika.
Basado sa datos kan ahensya, labi sa 50 ektarya nin oma an nadanyaran kan bagyo, orog na sa Central Luzon.
Katampad ini kan total na kantidad kan danyos na maabot sa ₱860,000 na dakulang problema para sa mga paraoma.
An ahensya dai nag-ontok sa paggibo nin mga importanteng lakdang tanganing marikas na masimbagan an mga epekto kan sunod-sunod na kalamidad.
Partikular na pigbisto kan ahensya an saindang mga ipigbibilog na intervension para sa gabos na mga paraoma na apektado kan bagyo.
Kabale digdi an pagdistribwer kan mga farm inputs mantang nagaalok man an ahensya nin pautang sa Survival and Recovery (SURE) Loan Program sa irarom kan saindang Agricultural Credit Policy Council.
