Pigsierto kan Department of Agriculture na bastante pa man an iuuling kita kan mga lokal na paraoma sa nasyon kasunod kan pagpapautob kaini kan P35 per kilo na barakalan kan NFA rice.
Ini an nagin kasimbagan kan ahensiya sa nagin pangapodan ni House Speaker Martin Romualdez na siertuhon na dae maagrabyado an mga paraoma.
Pangenot na obheto kan Department of Agriculture sa paagi kan National Food Authority na siertuhon an food security kan nasyon.
Sigun ki Romualdez, kaipuhan siertuhon na patas asin bastante na kita kan mga paraoma tanganing maipadagos kaini an saindang lokal na produksiyon kan bagas.
Hurot man kan leader kan Kamara an pangangaipuhan na mabalanse an kapakanan kan mga parabakal asin paraoma.
Dakula man soboot an maitatabang kun mamantinir sa halangkaw an farm gate price kan mga pig-aning produkto mantang hababa man an presyo kaini pag-abot sa mga merkado.
Katakod kaini, nangako an leader kan Kamara na padagos kaining babantayan an mga polisiya asin pag-adalan an mga kinakaipuhan na interbensiyon.
