Pigsierto kan Department of Agriculture (DA) na matinir na protektado kan ahensiya an mga local agriculture products siring kan bagas, mais, asukar, manok, sira, asin orig na isinasagibong negosasyon sa taripa sa tahaw kan Pilipinas asin Estados Unidos.
Sigun ki DA Secretary Francisco Tiu Laurel Jr., parehong pighurot ninda Secretary Frederick Go asin Trade Secretary Cristina Roque na primerong prayoridad kan Pilipinas an kapakanan kan mga lokal na paraoma asin parasira.
Ini makalihis an pahayag ni U.S. President Donald Trump na nagtugot soboot an Pilipinas sa 19% taripa sa exports kaini, karibay kan duty-free access kan mga produkkto kan Amerika.
Marurumdumang nilinaw kan Malacañang na mayo pang pinal na kasunduan para digde.
Dugang pa kan DA na pigsierto ni Secretary Go na mayong concessions na makaraot sa lokal na industriya asin dapat magin balanse an anumang kasunduan sa tahaw kan pagpapahewas kan merkado asin proteksiyon sa kabuhayan kan mga Pilipino.
