Pig-anusyar kan Department of Agriculture (DA) na pinag-aadalan ninda an mas dugang na mga bakuna para sa mga breeder asin grower tanganing mas orog pang makapakusog an industriya kan orig sa nasyon.
Ini an komo parte kan mas mahewas na kampanya kontra sa African Swine Fever (ASF).An anunsyo na ginibo kasabay kan pagpupuon kan bakunahan kontra ASF sa Lobo, Batangas.
Sigun ki DA Assistant Secretary for Swine and Poultry Constante Palabrica, dakula an nagin epekto kan ASF sa darakulang kumpanya asin magin sa backyard farms.
Alagad maski an darakulang kompanya an igwang kakayanan na mamuhunan sa biosecurity measures, 60% kan populasyon kan orig sa backyard farms an nasasakitan huli sa kakulangan nin pondo para sa epektibong proteksyon.
Katakod kaini, nagtagama an DA nin P300M para sa pagbakal kan 600,000 na mga bakuna sa ASF asin preparado ini na maghanap nin dugang na pondo kun mapapatotoohan na epektibo an bakuna sa pagproteher sa mga orig kontra ASF.
