Sinuportaran man kan Department of Agriculture (DA) an mga naenot nang pahayag kan Department of Trade and Industry (DTI) na kasya an kantidad na P500 tanganing makabakal nin mga panghanda para sa Noche Buena.
Sigun ki DA Assistant Secretary for Agribusiness, Marketing and Consumer Affairs Atty. Genevieve Velicaria-Guevarra, posible ini maski sa sarong pamilya na pigbibilog kan limang miyembro alagad nakadepende pa man sa kun ano an saindang mawot na ipeprerar.
Ini an dara kan mga presenteng presyo kan mga barakalon sa merkado siring kan karne kan orig na nagkakawat sa P330/kilo asin presyo kan manok na nasa tahaw kan kan P180-P200/kilo an presyo.
Kasunod kaini, pig-enkaminar man ni Guevarra an publiko na pilion na sana na agbakal sa mga Kadiwa Stores kun saen mas hababa soboot nin haros 20%-30% an mga presyo kan mga barakalon asin iyong direktang nababakal kan saindang ahensiya sa mga lokal na paraoma.
Mientrastanto, pigtawan-duon man ni Guevarra na alagad maski sa laog nin P500, magigin limitado an mga pagpipilian, an pagbakal soboot nin mga pagkakan sa hababang kantidad an makakatabang man tanganing mas mapahewas asin magamit pa sa kadakol na paagi an budget kan sarong pamilya.
