Dae mababa sa 800 katawo an binawian nin buhay asin labi 2,500 an irido makalihis an sarong makusog na linig na nagpayugo-yugo sa sirangan na parte kan Afghanistan, basado sa pinahuring report.
Sigun sa US Geological Survey (USGS), nagtama an linog na igwang kusog na 6.0 magnitude pirang oras antes magmatanga, harani sa hangganan kan Afghanistan asin Pakistan.
Huli sa linog, nagguho an mga kaharongan na gibo sa putik asin kahoy na nagin rason kan kadakol na nagadan asin danyos.
Tulos na nagpadara nin mga helicopter an mga otoridad tanganing i-evacuate an mga irido sa ospital asin salbadong lugar.
Inireport man na nakamatean an aftershocks bako sana sa Pakistan kundi magin sa hararayong lugar siring kan India.
Padagos man an rescue operations sa mga apektadong lugar, alagad piglalaomang masakit an pagsimbag huli sa liblib asin bukid na mga komunidad.
Padagos man na nangangapodan nin tabang an mga opisyal para sa mga nadanyaran kan sakuna.
