Pigsuspinder kan Lithuania an air traffic sa Vilnius Airport nin huli sa mga nanutaran na dai pa bistong mga lobo sa saindang airspace.
Sa nagin pahayag kan Vilnius Airport, tig anunsyo an paramientras na pagpapasarado kan saindang airspace na nag abot hasta 2:45 nin mag-uumagahon.
Kun saen paramientras na pigbalyo muna sa mga kataid na palupadan an mga malaog na flights digde.
Nagtitinir man na nakaalerto an Europa sa seguridad kan saindang rehiyon partikularmente na sa seguridad panhimpapawid nin huli sa mga insidente kan nakalihis na semana kun saen magkakasunod an mga naging drone sightings partikularmente na sa Airport kan Copenhagen sa Munich.
Katakod kaini, naenot nang nagsagibo ang Lithuania 90 km (56mile) long no fly zone kan Agosto, na iyo an aksyon kontra sa mga naglalaog sa himpapawid kan nasyon na mayong permiso.
Mientrasanto, an Lithuania an bistadong honestong kaalyado kan Ukraine kun saen linyada kaini an 679 km o 422 miles boarder kan Belarus, na iyo an harani man na kaalyado kan Russia.
