Pinalilinaw kan teachers’ group sa Commission on Elections (Comelec) kan nakalihis na aldaw nin Biyernes an mapadapit sa dugang na P1,000 honoraria na pigpromisa para sa mga nagsirbi sa May 12 elections.
Sigun ki Teachers’ Dignity Coalition (TDC) National Chairperson Benjo Basas, kadakol naghahapot kun nasaen na ining additional P1, 000 sa honoraria kan mga nagsirbi kan nakalihis na midterm elections, alagad mayo pa man nin opisyal na simbag o pahayag an Comelec ngunyan orog na ta haloy na ining inanunsiyar kan Malacanang.
Haros duwang semana na magpuon kan kinumpirmar kan DBM na released na sa Comelec an pondo, alagad mayo pa ni sarong paratukdo an nag-report sa saindang opisina na nakaresiber na kan nasambitan ng additional P1,000.
Pigtawan duon kan opisyal na naiintindihan man ninda dae talaga kayang maisasabay sa honoraria nin huli ta ini ay karagdagan sana. Saro pang mawot ninda na maiklaro iyo an kun bubuwisan pa man ini nin 15 percent, siring kan mga naenot.
Nangapudan an TDC sa Comelec na mapaluwas nin pormal na abiso dapit sa mga kahaputan na ini asin siertuhon na mareresiber nin tulos kan bilog na poll workers an sandang dugang na kompensasyon.
