Piglalaomang mapakol sa labi 110,000 na byahero araaldaw an maluwas asin malaog na byahero sa Pilipinas ngunyan na holiday season basado sa pagkakalkulo kan Bureau of Immigration.
Kun marurumduman, kan nakalihis na taon an nagpakol sa 53,000 kada semana an arrivals na naikurit an BI sa mga palupadan.
Sa sarong pahayg an sinaysay ni Immigration Commissioner Joel Anthony Viado, mas maluwag na ngunyan kaya piglalaoman na orog na kadakol an mga byahero bakong arog kan nakalihis na panahon kan pandemya.
Kan nakalihis na taong-2019 an nagpakol sana sa 55,000 an daily arrivals mantang 47,000 an nagluluwas nin nasyon sa parehong panahon kan Holiday Season.
Katkod kaini, nagpautob na man an ahensiya kan ‘no leave policy’ tanganing maasisteran an dagsa kan mga pasahero ngunyan na holiday season.
