An Bangko Sentral ng Pilipinas (BSP) nagsasabi na pupwedeng magtinir na hababa an inflation sa bilog Nobyembre, nasa pag-ultanan kan 1.1% hasta 1.9%, mas mababa sa target na 2%–4%. Kun makumpirma, ini mas hababa kumparar sa 1.7% kan Oktubre, asin ika-siyam na sunod na bulan na nasa irarom kan opisyal na target.
Sigun sa BSP, an mga bagyong nagtama sa nasyon an pagmahal kan presyo kan bigas, sira, asin prutas, alagad, nabawasan man presyo kan karne asin gulay.
An hababang inflation nagtatao nin puwang sa BSP na liwat magbaba nin interest rate tanganing suportahan an ekonomiya. Kan Oktubre, pigbaba na kan Monetary Board an key rate kan 25 basis points sa 4.75% tanganing papusugon an kumpiyansa kan negosyo sa tahaw kan imbestigasyon sa mga proyektong flood control.
Siring man, nagtitinir na hamon an korapsyon asin an maluyang paglago kan ekonomiya, na nagpakol sana sa 4% sa ikatolong quarter, pinakamaluya sa laog kan apat na taon.
Sinaysay ni BSP Governor Eli Remolona Jr. na posibleng magkaigwa kan saro pang rate cut sa Disyembre, alagad dae ini magigin agresibo.
Nagtutubod ining makakabwelta an ekonomiya asin pupwedeng magrekas liwat antes an, kung saen an bilis kan rebound an matala kun gurano pa karayo an magigin easing kan BSP.
