Posibleng maka eksperyensya an Pilipinas nin dakulang outbreak nin dengue ngunyan na taon sigun ki Department of Health (DOH) Secretary Ted Herbosa.
Ini man an sa tahaw kan padagos na pagsikad nin mga kaso kan dinadapuan nin dengue sa 78% kumparar kan mga nakalihis na taon.
Sa datos kan ahensiya, nakapagrehistro na an nasyon nin nasa 76,425 na kaso kan dengue gikan Enero 1 hasta sa Marso 15 sa presenteng taon, mas halangkaw ini kumparar sa 42,822 cases na nairehistro sa parehong panahon kan nakalihis na taong 2024.
Ipinaliwanag kan sekretaryo na sa kada tulo hasta limang taon nagkakaigwa nin outbreak nin dengue kun saen pinakahuri an kan nakalihis na 2019.
Ngunyan man 2025, posibleng mairehistro soboot an dakulang outbreak. Sa ngunyan, an mga rehiyong igwa nin pinakahalangkaw na kaso kan dengue iyo an sa CALABARZON na nasa 15,108 cases, sumunod an National Capital region (13,761 cases) asin Central Luzon (12,424 cases).
Sa ibong man kaini, nagtitinir man na hababa an numero kan pigbabawian nin buhay gikan sa nasambitan ng helang na nasa 0.41%.
Komo kasimbagan, naenot ng naglunsar an DOH nin nationwide campaign kan nakalihis na bulan nin Pebrero tangani malabanan asin makontrol an pagkuriyat kan helang sa nasyon.
Padagos man an pagirumdom kan DOH sa publiko na linigon an mga lugar na posibleng pag gikanan nin mga lamok na nagdadara nin helang na dengue.
